A Comisión do 36 pretende exhumar unha fosa da Guerra Civil en Budiño

Toda a actualidade de O Porriño

Pedirán a autorización correspondente ao Xulgado de Porriño

A asociación "Memoria Histórica do 36" de Ponteareas presentará o vindeiro mércores unha denuncia nos xulgados do Porriño para pedir a exhumación dunha fosa nunha parroquia deste municipio, onde supostamente descansan os restos de catro represaliados da Guerra Civil.

Así o confirmou o presidente desta asociación, Angel Rodríguez Gallardo quen explicou que esta sería a primeira fosa exhumada en Galicia desde que o xuíz Garzón ditase un auto neste sentido. O maxistrado inhibiuse o pasado novembro en favor dos xulgados territoriais, e a asociación presentará a súa denuncia no Porriño, xa que a fosa atópase no camiño do cemiterio da parroquia porriñesa de San Salvador de Budiño.

Rodríguez explicou que no lugar xacen os restos de 4 veciños de Salceda de Caselas e que o vindeiro mércores acudirán ao xulgado membros da asociación, familiares destes represaliados, e os alcaldes do Porriño e Salceda de Caselas, Raúl Francés e Marcos Bicada -ambos do BNG--.

O presidente de "Memoria Histórica do 36" de Ponteareas recoñeceu que "haberá problemas no xulgado" porque os xuíces destas salas non recibiron notificación para aceptar as exhumaciones, pero Rodríguez explicou que a presentación da denuncia pretende "axilizar o proceso".

Fonte: farodevigo